Khmer	Pronunciation	English/Notes	#occ
កុម្ម៉ង់	kommɑŋ	to order (e.g., food)	43/28

Link to overview page
Link to dictionary

Talking about the taste of food 1 — Additional dialogue

នៅភោជនីយដ្ឋាន
ពិសី៖ សាកហាងនេះម្ដងមើល អត់ដែលចូលសោះ។
វិបុល៖ ហ្នឹងហើយ ឃើញភ្ញៀវច្រើនរាល់តែដង។
ពិសី៖ កុម្ម៉ង់ទៅអីចឹង។
…
ពិសី៖ ម៉េចដែរ វិបុល? ម្ហូបគេឆ្ងាញ់អត់?
វិបុល៖ មានអី ឆ្ងាញ់បស់គេដែរតាស។ ចុះពិសីត្រូវមាត់អត់?
ពិសី៖ ខ្ញុំញ៉ាំទៅឆ្ងាញ់ដែរតាស។ ចាំលើកក្រោយមកទៀត។

Comparing or contrasting things 1 — Additional dialogue

នៅហាងលក់នំបញ្ចុក
អ្នករត់តុ៖ បង ត្រូវការកុម្ម៉ង់អីដែរ?
នារី៖ នំបញ្ចុកសម្លអីលក់ដាច់ជាងគេ?
អ្នករត់តុ៖ ដូចជាលក់ដាច់ស្មើៗគ្នាហ្នឹងបង។ តែ ... សម្លការីដូចភ្ញៀវហៅច្រើនជាងគេ បង។
នារី៖ អីចឹង យកនំបញ្ចុកសម្លការីម៉ោអីចឹង។ កញ្ញា ញ៉ាំអីដែរ?
កញ្ញា៖ ខ្ញុំយកសម្លប្រហើរ។
...
កញ្ញា៖ សម្លប្រហើរនៅហ្នឹងឆ្ងាញ់ជាងប្រហើរនៅកន្លែងមួយទៀត លើកមុនខ្ញុំទៅ។

Making suggestions in which the speaker is included — Additional dialogue

នៅសួនកម្សាន្ត
វិចិត្រ៖ ផារី តស់ទៅញ៉ាំអីសិន ខ្ញុំឃ្លានហើយ។ នៅមុខនោះមានហាងលក់ភីហ្សាមួយ។
ផារី៖ វិចិត្រឃ្លានហើយអ៎? ខ្ញុំដូចជាអត់ទាន់ឃ្លានផង តែស្រេកទឹក។ វិចិត្រទៅហាងនុងមុនទៅ។ ខ្ញុំទៅទិញទឹកកកឈូសនៅនោះសិន ហើយចាំជុំគ្នាវិញនៅហាងភីហ្សានុងម៉ង។
វិចិត្រ៖ អីចឹងក៏បាន។ ចង់ឲ្យខ្ញុំកុម្ម៉ង់អីញ៉ាំឲ្យហើយអត់?
ផារី៖ មិនបាច់ទេ។ ចាំខ្ញុំទៅដល់ ខ្ញុំកុម្ម៉ង់ខ្លួនឯងក៏បាន។

Requesting and granting permission 2 — Additional dialogue

នៅហាងអាហារ
ភ្ញៀវ៖ អេ អូន។ សុំមីនុយ/យកមីនុយម៉ោតិចមើល។
អ្នករត់តុ៖ បាទ បង។ នេះមីនុយ។
...
ភ្ញៀវ៖ អេ អូន កុម្ម៉ង់បានអេ៎?
អ្នករត់តុ៖ បាទ បង។ ត្រូវការអីគេដែរ?
ភ្ញៀវ៖ យកទឹកក្រឡុកមួយកែវ សុំកុំដាក់ទឹកដោះគោបានអត់?
អ្នករត់តុ៖ បានតាសបង ចាំខ្ញុំប្រាប់គេឲ្យ។
ភ្ញៀវ៖ ហើយជួយយកកៅអីថែមមក ២ ទៀតម៉ោបានអេ៎? តិចទៀតមានពួកម៉ាកម៉ោ ២ នាក់ទៀត។
អ្នករត់តុ៖ បាទ។
ភ្ញៀវ៖ នៅហ្នឹងអាចយកនំខួបកំណើតអីចូលបានអេ៎?
អ្នករត់តុ៖ នំខួបកំណើតយកចូលបានបង តែនំញ៉ាំធម្មតាយកចូលអត់បានអេ៎បង។

Coffee And Soft Drink (Sakanan) — 05

បន្ទាប់មកទៀតរូបភាពទី ៥ នៅក្នុងរូបភាពទី ៥ បន្ទាប់ពីអ្នកបម្រើបានសួរទៅកាន់បុរសដែលជាឪពុករួចរាល់ហើយ អញ្ចឹងគាត់បានងាកមកសួរក្មេងស្រីនោះម្ដង ថាតើក្មេងស្រីនោះចង់ញ៉ាំអ្វី អញ្ចឹងក្មេងស្រីនោះ គាត់ក៏បានប្រាប់ទៅដល់អ្នកបម្រើថា គាត់ប្រហែលជាចង់ញ៉ាំកូកាកូឡា ឬក៏ទឹកក្រូចផ្សេងៗ។ អញ្ចឹងដោយសារតែគាត់ជាក្មេង អញ្ចឹងនៅពេលដែលក្មេងគឺគាត់អត់ចូលចិត្តញ៉ាំកាហ្វេនោះទេ ព្រោះកាហ្វេ គឺសម្រាប់តែមនុស្សធំតែប៉ុណ្ណោះ ប្រសិនបើក្មេងញ៉ាំ គឺអាចប៉ះពាល់ដល់សុខភាពបាន។ អញ្ចឹងគាត់ចង់ញ៉ាំជាទឹកក្រូចវិញ គាត់អត់ចង់ញ៉ាំកាហ្វេដូចប៉ារបស់គាត់ទេ។ ដែលយើងឃើញគាត់កុម្ម៉ង់ដូចជាកូកាកូឡា ឬក៏ Fanta ឬក៏ Sprite ជាដើម ដើម្បីញ៉ាំ។

Tuk Tuk (Sakanan) — 04

ចូលមកដល់រូបភាពទី ៤ នៅក្នុងរូបភាពទី ៤ យើងឃើញថា បន្ទាប់ពីពួកគេហៅអ្នកបម្រើ ដើម្បីឲ្យមកគិតលុយហើយ ពួកគេក៏រង់ចាំមួយសន្ទុះ អញ្ចឹងបានន័យថា នៅពេលដែលអ្នកបម្រើមកដល់ ឃើញនៅលើតុរបស់ពួកគេបានកុម្ម៉ង់អ្វីខ្លះហើយ គេក៏កត់ត្រាដើម្បីយកទៅគិតលុយ អញ្ចឹងអំឡុងពេលដែលគេគិតលុយ អ្នកទាំងបីនោះ ត្រូវរង់ចាំបន្តិច ដោយយើងឃើញនៅក្នុងរូបភាពនេះគឺហាងនោះគឺបានបិទភ្លេងទៅហើយ អញ្ចឹងបានន័យថាភ្លេងបញ្ចប់ គេលែងចាក់ភ្លេងទៀតហើយ ហើយអ្នកដែលអង្គុយនៅតុក្បែរនោះ គឺទៅផ្ទះវិញទាំងអស់គ្នា អញ្ចឹងបានន័យថាដល់ម៉ោងដែលគេត្រូវបិទហាងហើយ ដូច្នេះអ្នកដែលជាភ្ញៀវទាំងអស់ត្រូវត្រលប់ទៅផ្ទះវិញដើម្បីសម្រាក ជាក់ស្ដែងនៅក្នុងរូបភាពនេះ យើងឃើញថាតុដែលនៅក្បែរៗពួកគេ ភ្ញៀវដែលអង្គុយនៅតុក្បែរពួកគេ គឺឡើងត្រលប់ទៅផ្ទះទាំងអស់គ្នា ចំណែកឯពួកគេគឺនៅអង្គុយរង់ចាំបន្តិច ដើម្បីឲ្យម្ចាស់ហាង ឬក៏អ្នកបម្រើ គាត់មកគិតលុយ។

Fried Rice (Sakanan) — 12

បន្ទាប់មកទៀតរូបភាពទី ១២ នៅក្នុងរូបភាពទី ១២ យើងឃើញថា បន្ទាប់ពីគាត់ចម្អិនឆ្អិនរួចរាល់ហើយ នៅពេលដែលគាត់ចម្អិនបាយឆារួចរាល់ហើយ អ្នកលក់គាត់ក៏បានយកបាយឆារបស់គាត់នោះ អញ្ចឹងគាត់បានយកបាយឆាដែលឆ្អិនរួច មកដាក់នៅលើតុ ដោយយើងឃើញបាយឆាហ្នឹងគឺទើបតែឆ្អិន អញ្ចឹងបានន័យថាបាយឆាគឺនៅក្ដៅ ដោយសារតែគាត់ឆានៅក្នុង នៅលើភ្លើង ដូច្នេះបាយឆាគឺក្ដៅ ដូច្នេះហើយយើងឃើញចានបាយឆា គឺមានផ្សែងហុយចេញ អញ្ចឹងអ្នកលក់គាត់ក៏បានយកបាយឆា ដែលមានពងទាចៀន មានសាច់ជ្រូក មានបន្លែនោះ មកឲ្យអតិថិជនរបស់គាត់តាមការកុម្ម៉ង់ អញ្ចឹងយើងឃើញនារីម្នាក់នោះ គាត់កំពុងតែអង្គុយចាំ នារីដែលមានវ័យ ២៣ ឆ្នាំ គាត់កំពុងតែអង្គុយចាំនៅនឹងតុរបស់គាត់ ឲ្យដាក់ដៃទាំងពីរនៅលើតុ ហើយគាត់បានសម្លឹងទៅអ្នកលក់ ដែលបានកំពុងតែកាន់ចានដែលមានបាយឆា យកមកឲ្យគាត់ផងដែរ។

Grilled Fish (Sakanan) — 07

បន្ទាប់មកទៀតរូបភាពទី ៧ នៅក្នុងរូបភាពទី ៧ យើងឃើញថា បន្ទាប់ពីគាត់បានកុម្ម៉ង់ទិញបាយ និងត្រី ជាមួយនឹងបន្លែ និងទឹកជ្រលក់រួចរាល់ហើយ គាត់បានខ្ចប់ចំណីអាហារទាំងនោះ ចូលទៅក្នុងថង់ធំមួយរួចហើយ អញ្ចឹងគាត់ក៏បានប្រគល់លុយទៅឲ្យអ្នកលក់ អញ្ចឹងជាទូទៅគឺអ្នកលក់ត្រូវឲ្យលុយ ត្រូវឲ្យរបស់ទៅដល់អ្នកទិញ ចំណែកឯអ្នកទិញត្រូវប្រគល់លុយទៅឲ្យអ្នកលក់ថ្លៃរបស់។ ដែលជាក់ស្ដែងគឺបុរសដែលពាក់អាវលឿង គាត់បានទិញត្រី ទិញបាយ ជាមួយនឹងទឹកជ្រលក់ ជាមួយនឹងបន្លែផ្សេងៗ ពីបុរសដែលជាអ្នកលក់ ដែលពាក់អាវពណ៌ស្វាយ អញ្ចឹងបុរសដែលពាក់អាវលឿងគឺជាអ្នកទិញ ឬក៏ជាអតិថិជន ដូច្នេះគាត់ត្រូវប្រគល់លុយទៅឲ្យបុរសដែលជាអ្នកលក់ អញ្ចឹងយើងឃើញនៅក្នុងរូបភាពនេះគឺ បុរសដែលពាក់អាវលឿងកំពុងតែប្រគល់លុយ ឬក៏សាច់ប្រាក់ទៅឲ្យបុរសដែលពាក់អាវពណ៌ស្វាយ ហើយបុរសដែលពាក់អាវពណ៌ស្វាយដែលជាអ្នកលក់ ក៏បានលូកដៃទទួលយកប្រាក់ថ្លៃត្រីរបស់គាត់ផងដែរ ដូច្នេះពួកគាត់គឺទូទាត់គ្នាដោយប្រើសាច់ប្រាក់។

Noodle Soup (Sakanan) — 08

បន្ទាប់មកទៀតរូបភាពទី ៨ រូបភាពទី ៨ ក្រោយពេលដែលគាត់សួរក្មេងប្រុសទី ១ ហើយ អញ្ចឹងក្មេងប្រុសទី ១ គាត់បានកុម្ម៉ង់មីដែលមានទឹកស៊ុបរួចរាល់ហើយ អ្នកលក់ក៏បានងាកមករកក្មេងប្រុសទី ២ ដើម្បីសួរទៀត។ អញ្ចឹងបន្ទាប់មកទៀតក្មេងប្រុសទី ២ នោះ ក៏បានឆ្លើយថា គាត់ចង់ញ៉ាំគុយទាវដែលអត់ទឹកស៊ុប អញ្ចឹងឬក៏គេហៅថាគុយទាវគោក ឬក៏មីគោក។ អញ្ចឹងជាទូទៅមីគឺមានពីរប្រភេទដែលគេលក់ មិនមែនពីរទេ គឺច្រើនប្រភេទដែរ ដោយយើងឃើញមានទាំងមីឆា មីទឹកស៊ុប មីខ ឬក៏គុយទាវខ ឬក៏គុយទាវទឹកស៊ុបជាដើម។ អញ្ចឹងពេលខ្លះគឺយើងអាចញ៉ាំគុយទាវគោកផងដែរ ដោយមានរសជាតិឆ្ងាញ់ដូចគ្នា តាមចំណង់ចំណូលចិត្តអ្នកញ៉ាំ។ អញ្ចឹងអ្នកខ្លះគាត់ចូលចិត្តទឹកស៊ុប អ្នកខ្លះគាត់អត់ចូលចិត្តទឹកស៊ុបទេ គឺគាត់ចូលចិត្តញ៉ាំមីគោក ដែលយើងហៅថាមីគោក។ អញ្ចឹងជាក់ស្ដែងនៅក្នុងរូបភាពទី ៨ នេះ ក្មេងប្រុសទី ២ គាត់អត់ចូលចិត្តញ៉ាំគុយទាវ ឬក៏មីទឹកស៊ុបនោះទេ ក៏ប៉ុន្តែគាត់ចូលចិត្តញ៉ាំមីគោក ដូច្នេះគាត់ក៏បានប្រាប់ទៅអ្នកលក់ថាគាត់ចង់ញ៉ាំមីគោក។

Fried Rice (Sakanan) — 05

បន្ទាប់មកទៀតរូបភាពទី ៥ នៅក្នុងរូបភាពទី ៥ យើងឃើញថា បន្ទាប់ពីគាត់កុម្ម៉ង់បាយឆារួចរាល់ហើយ នារីម្នាក់នោះ នៅពេលដែលកំពុងតែអង្គុយរង់ចាំ អញ្ចឹងបន្ទាប់ពីយើងកុម្ម៉ង់ហើយ យើងត្រូវរង់ចាំមួយសន្ទុះ ដើម្បីឲ្យអ្នកលក់គាត់ទៅចម្អិនបាយឆាឲ្យសម្រាប់ឲ្យយើង ដែលជាក់ស្ដែងនារីម្នាក់នេះ គាត់បានកុម្ម៉ង់រួចរាល់ហើយ បន្ទាប់មកគាត់ក៏អង្គុយរង់ចាំ អញ្ចឹងក្នុងកំឡុងពេលដែលគាត់អង្គុយរង់ចាំ ឬក៏ក្នុងអំឡុងពេលដែលគាត់អង្គុយរង់ចាំហ្នឹង នារីម្នាក់ហ្នឹង គាត់បានបើកដបទឹក អញ្ចឹងគាត់ទាញដបទឹកមួយដប ដែលអ្នកលក់ដាក់នៅលើតុ សម្រាប់ឲ្យអតិថិជនមកបើកគម្រប អញ្ចឹងដោយសារតែនៅកន្លែងនេះគឺគាត់អត់លក់ទឹកទេ បានន័យថាគាត់ឲ្យទឹកទៅអតិថិជនគាត់ញ៉ាំដោយឥតគិតថ្លៃ អញ្ចឹងគាត់មានដបទឹកដ៏ធំមួយ សម្រាប់ដាក់នៅលើតុឲ្យភ្ញៀវគាត់តែម្ដង ដោយនារីម្នាក់នេះ គាត់បានបើកគម្របទឹក ដើម្បីចាក់ទឹកចូលទៅក្នុងកែវដើម្បីញ៉ាំ អញ្ចឹងយើងឃើញកែវរបស់គាត់ គឺមានទឹកកកនៅក្នុងនោះផងដែរ ដោយអ្នកលក់គាត់បានដាក់កែវទឹកកកឲ្យនារីម្នាក់នោះ ដើម្បីដាក់លាយជាមួយទឹកដើម្បីញ៉ាំ ហើយធ្វើឲ្យទឹកនោះត្រជាក់។

Noodle Soup (Sakanan) — 14

បន្ទាប់មកទៀតរូបភាពទី ១៤ នៅក្នុងរូបភាពទី ១៤ យើងឃើញថា បន្ទាប់ពីគាត់បានទទួលចានមីទាំងអស់ហើយ ក្មេងប្រុសទី ១ ក្មេងប្រុសទី ១ ដែលបានកុម្ម៉ង់មីមានទឹកស៊ុបហ្នឹង គាត់ក៏បានបន្ថែមគ្រឿងចូលទៅក្នុងចានមីរបស់គាត់ ដែលនៅក្នុងរូបភាពទី ១ នេះ យើងឃើញគាត់បានបន្ថែមដូចជាម្ទេស អញ្ចឹងដោយសារតែគាត់ចូលចិត្តរសជាតិហឹរ។ អញ្ចឹងរូបភាពទី ១៤ នេះ គឺនៅខាងឆ្វេងដៃ រូបភាពខាងឆ្វេងដៃគឺគាត់កំពុងតែថែមម្ទេស ចូលទៅក្នុងចានមីរបស់គាត់ ដោយយើងឃើញគាត់ដាក់ម្ទេសមួយស្លាបព្រាតូច ឬក៏មួយកូនស្លាបព្រាដើម្បីញ៉ាំ។ បន្ទាប់មកទៀត រូបភាពទី ១៤ ដែលនៅខាងស្ដាំដៃ គឺគាត់ក៏បន្ថែមទឹកខ្មេះចូលផងដែរ។ អញ្ចឹងទឹកខ្មេះគឺមានរសជាតិជូរ ដូច្នេះប្រសិនបើគាត់ដាក់ទឹកខ្មេះ និងដាក់ម្ទេស បានន័យថាគាត់ចូលចិត្តរសជាតិជូរនិងហឹរ។ អញ្ចឹងទឹកខ្មេះ គឺជូរដូចក្រូចឆ្មារដែរ ពេលខ្លះយើងប្រើក្រូចឆ្មារ ក៏ប៉ុន្តែពេលខ្លះយើងប្រើទឹកខ្មេះដើម្បីលាយផ្សំគ្រឿង ដែលជាក់ស្ដែងនៅក្នុងរូបភាពនេះ គេអត់ប្រើក្រូចឆ្មារទេ គឺគេប្រើទឹកខ្មេះជំនួសក្រូចឆ្មារវិញ ក៏ប៉ុន្តែវាមានរសជាតិជូរដូចគ្នា ដោយម្ទេសមានរសជាតិហឹរ និងទឹកខ្មេះមានរសជាតិជូរ។

Grilled Fish (Sakanan) — 12

បន្ទាប់មកទៀតរូបភាពទី ១២ រូបភាពទី ១២ បន្ទាប់ពីគាត់រៀបចំត្រីហើយ បុរសម្នាក់នោះ គាត់ក៏បានយកទឹកជ្រលក់ត្រី បានន័យថាទឹកជ្រលក់ យកមកចាក់ចូលទៅក្នុងចាន ដោយសារតែទឹកជ្រលក់គឺគេខ្ចប់នៅក្នុងថង់ប្លាស្ទិក ដូច្នេះវានឹងពិបាកញ៉ាំ ប្រសិនបើយើងអត់ចាក់ចូលក្នុងចាន អញ្ចឹងដើម្បីឲ្យវាមានរូបរាងស្អាត មើលទៅល្អមើលផង និងស្រួលញ៉ាំផង យើងត្រូវចាក់ទឹកជ្រលក់ចូលទៅក្នុងចាន។ ជាធម្មតាទឹកជ្រលក់គឺមានច្រើនរសជាតិ បានន័យថាអ្នកខ្លះគាត់ចូលចិត្តទឹកជ្រលក់រសជាតិប្រៃ អ្នកខ្លះចូលចិត្តទឹកជ្រលក់រសជាតិផ្អែម រីឯអ្នកខ្លះទៀតចូលចិត្តទឹកជ្រលក់រសជាតិជូរ ដូច្នេះគាត់អាចកុម្ម៉ង់ទៅអ្នកលក់បានថាគាត់ចូលចិត្តរសជាតិអ្វី ហើយពេលខ្លះទឹកជ្រលក់គឺមានរសជាតិហឹរផងដែរ ព្រោះប្រសិនបើអតិថិជនចូលចិត្តហឹរ អ្នកលក់នឹងធ្វើទឹកជ្រលក់ដែលមានរសជាតិហឹរសម្រាប់គាត់ ដែលយើងអាចធ្វើទឹកជ្រលក់ទៅតាមចំណង់ចំណូលចិត្តរបស់យើង ប្រសិនបើយើងចង់បានជូរ យើងគ្រាន់តែច្របាច់ក្រូចឆ្មារចូលទៅក្នុងទឹកជ្រលក់ គឺវាអាចធ្វើឲ្យទឹកជ្រលក់របស់យើងមានរសជាតិជូរបានជាការស្រេច អញ្ចឹងនៅក្នុងរូបភាពទី ១២ គឺគាត់បានចាក់ទឹកជ្រលក់របស់គាត់ចូលទៅក្នុងចានមួយ គឺកូនចាន ជាកូនចានមួយ ដើម្បីងាយស្រួលជ្រលក់ត្រី ជ្រលក់សាច់ត្រី ដើម្បីញ៉ាំ អញ្ចឹងប្រសិនបើគាត់ទុកនៅក្នុងថង់ប្លាស្ទិក គឺវាពិបាកនៅក្នុងការជ្រលក់ជាមួយនឹងសាច់ត្រីខ្លាំងណាស់។

Coffee And Soft Drink (Sakanan) — 06

បន្ទាប់មកទៀតរូបភាពទី ៦ នៅក្នុងរូបភាពទី ៦ បន្ទាប់ពីទទួលការកុម្ម៉ង់ពីអតិថិជនហើយ បុរសដែលជាម្ចាស់ហាង ឬក៏បុរសដែលជាអ្នកបម្រើនោះ គាត់បានដើរទៅយកអ្វីដែលភ្ញៀវគាត់បានកុម្ម៉ង់ អញ្ចឹងយើងឃើញគាត់ដើរត្រលប់មកវិញ ដោយដៃរបស់គាត់ទាំងពីរ គឺទ្រនូវថាសមួយ។ អញ្ចឹងដោយសារតែភ្ញៀវបានកុម្ម៉ង់ច្រើន ដែលមានដូចជាកាហ្វេ មានដូចជាទឹកក្រូច មានដូចជាកែវទឹកកកផងដែរ ដូច្នេះ គាត់កាន់អត់អស់ទេ ដៃគាត់តែពីរ គាត់មានដៃតែពីរ អញ្ចឹងគាត់កាន់ទាំងអស់អត់អស់ទេ ដូច្នេះគាត់ប្រើប្រាស់ថាស។ ដែលយើងឃើញគាត់កាន់ថាស ថាសគឺជាបន្ទះធំមួយ ដែលធ្វើអំពីដែក ឬក៏ធ្វើអំពីជ័រ ដែលអាចធ្វើឲ្យយើងដាក់បានរបស់របរច្រើន ដែលវាមានរាងសំប៉ែត ហើយធំ អាចមានរាងជ្រុង ឬក៏មានរាងមូល ទៅតាមប្រភេទរបស់វា។ អញ្ចឹងនៅក្នុងរូបភាពទី ៦ យើងឃើញអ្នកបម្រើម្នាក់នោះ គាត់កាន់ថាសមូលមួយ ហើយគាត់ដាក់កាហ្វេ ដាក់កែវទឹកកក និងដាក់ទឹកក្រូចមួយកំប៉ុង ទៅលើថាសនោះ និងកាន់យកមកឲ្យអតិថិជនរបស់គាត់។ អញ្ចឹងដោយសារតែគាត់កាន់អត់អស់ គាត់កាន់អត់អស់ គាត់ប្រើប្រាស់ថាសជំនួស។ អញ្ចឹងគាត់យកថាសមកដាក់ទឹកក្រូច និងកាហ្វេនោះ ជំនួសឲ្យការកាន់ដោយដៃវិញ ព្រោះដើម្បីឲ្យកាន់បានម្ដងទាំងអស់តែម្ដង។

Fried Rice (Sakanan) — 10

បន្ទាប់មកទៀតរូបភាពទី ១០ នៅក្នុងរូបភាពទី ១០ ដោយសារតែនារីម្នាក់នោះ គាត់បានកុម្ម៉ង់បាយឆាលាយជាមួយនឹងពងទាចៀន សាច់ជ្រូក ដូច្នេះនៅពេលដែលគាត់ នៅពេលដែលអ្នកលក់គាត់បានឆាបាយជាមួយនឹងសាច់ជ្រូករួចរាល់ហើយ អញ្ចឹងគាត់នៅខ្វះមួយមុខទៀត គឺគាត់នៅខ្វះមួយមុខទៀត ដែលមួយមុខនោះ គឺជាពងទាចៀន ឬក៏ពងមាន់ចៀន ដូច្នេះដោយសារតែអ្នកទិញរបស់គាត់ ឬក៏អតិថិជនរបស់គាត់ កុម្ម៉ង់បាយឆាពងទាចៀនលាយសាច់ជ្រូក អញ្ចឹងអ្នកលក់ នៅពេលដែលគាត់ឆាបាយរួចរាល់ហើយ គាត់ចាក់បាយចូលទៅក្នុងចានសំប៉ែតមួយ បន្ទាប់មកគាត់យកខ្ទះនោះ ដើម្បីមកចៀនពងទាទៀត ដូច្នេះពងទាចៀន ពេលខ្លះតម្រូវតាមអតិថិជន ដោយសារតែអ្នកខ្លះចូលចិត្តញ៉ាំពងទាចៀនដែលឆ្អិនល្អ អញ្ចឹងគាត់អាចប្រាប់ទៅអ្នកលក់ថាឲ្យចៀនឲ្យឆ្អិន ចំណែកឯអ្នកខ្លះទៀត គាត់ចូលចិត្តញ៉ាំពងទាចៀន ដែលអត់សូវឆ្អិន បានន័យថាយើងហៅថាជ័រព្នៅ ពងទាចៀនជ័រព្នៅ ដូច្នេះអ្នកលក់គាត់ចៀនអត់សូវឆ្អិនទេ អញ្ចឹងទៅតាមចំណង់ចំណូលចិត្តរបស់អតិថិជន ដើម្បីកុម្ម៉ង់ទៅអ្នកលក់ថាតើយើងចង់ញ៉ាំពងទាដែលឆ្អិន ឬក៏មិនឆ្អិន អញ្ចឹងនៅក្នុងរូបភាពទី ១០ គឺគាត់កំពុងតែចៀនពងទា ដើម្បីដាក់ទៅលើបាយឆានោះបន្ថែមទៀត ដោយសារតែនារីម្នាក់នោះ គាត់បានកុម្ម៉ង់បាយឆាលាយនឹងពងទាចៀន។

Fried Rice (Sakanan) — 09

បន្ទាប់មកទៀតរូបភាពទី ៩ នៅក្នុងរូបភាពទី ៩ យើងឃើញថា បន្ទាប់ពីគាត់បានច្របល់បាយ ឆាបាយ ជាមួយនឹងសាច់ ជាមួយនឹងបន្លែរួចរាល់ហើយ អ្នកលក់គាត់ក៏បានចាក់បាយមួយឆ្នាំងនោះចូលមកក្នុងចានមួយ អញ្ចឹងដោយសារតែអ្នកទិញគាត់កុម្ម៉ង់តែមួយចាន ដូច្នេះអ្នកលក់គាត់ក៏បានឆាបាយល្មមសម្រាប់តែមួយចានតែប៉ុណ្ណោះ អញ្ចឹងទោះគាត់មានឆ្នាំងខ្ទះធំប៉ុណ្ណាក៏ដោយ ប៉ុន្តែគាត់ឆាបាយតែបន្តិចតែប៉ុណ្ណោះ គឺឆាបាយតែមួយចាន អញ្ចឹងនៅពេលដែលគាត់ឆាចប់ គាត់ក៏លើកខ្ទះ គាត់លើកខ្ទះគាត់ឡើង ដើម្បីចាក់បាយឆានោះចូលទៅក្នុងចានមួយ អញ្ចឹងនៅក្នុងរូបភាពនេះ យើងឃើញគាត់កំពុងតែចាក់បាយឆាចេញពីឆ្នាំងខ្ទះចូលទៅក្នុងចានសំប៉ែត អញ្ចឹងគាត់ប្រើប្រាស់ចានសំប៉ែតដើម្បីដាក់បាយឆា ដោយយើងប្រើប្រាស់ចាន ចានមានច្រើនប្រភេទ ដែលពេលខ្លះប្រសិនបើយើងមានស៊ុប មានទឹកស៊ុប យើងត្រូវប្រើប្រាស់ចានគោម ចានគោមគឺជាចានជ្រៅ អញ្ចឹងយើងអាចដាក់ទឹកស៊ុបបានច្រើន ប៉ុន្តែនៅពេលដែលយើងញ៉ាំបាយយើងប្រើប្រាស់ចានសំប៉ែត ព្រោះប្រសិនបើយើងដាក់ចានគោម គឺវាពិបាកញ៉ាំ អញ្ចឹងយើងញ៉ាំចានសំប៉ែតគឺងាយស្រួលញ៉ាំ ដូច្នេះទើបអ្នកលក់គាត់ចាក់បាយឆារបស់គាត់ ដែលមានសាច់ជ្រូក មានបន្លែ មានខ្ទឹមបំពង និងមានបាយនៅក្នុងនោះផងដែរ គាត់ចាក់ចូលទៅក្នុងចានមួយ គឺចានសំប៉ែត ដែលនៅក្នុងរូបភាពទី ៩ នេះ។

Noodle Soup (Sakanan) — 12

បន្ទាប់មកទៀតរូបភាពទី ១២ នៅក្នុងរូបភាពទី ១២ យើងឃើញថា បន្ទាប់ពីពួកគេទាំងពីរនាក់ ឬក៏ក្មេងប្រុសទាំងពីរនាក់ គាត់បានទទួលចានមីទឹកស៊ុបរបស់គាត់ដែលបានកុម្ម៉ង់រួចរាល់ហើយ អញ្ចឹងពួកគេក៏បានទទួលពីអ្នកលក់ ដោយអ្នកលក់យកចានទាំងពីរនោះមកដាក់លើតុរបស់ពួកគេ ដោយដាក់ចានគុយទាវទឹកស៊ុបឲ្យក្មេងប្រុសទី ១ និងចានគុយទាវគោក ឬក៏មីគោកទៅឲ្យក្មេងប្រុសទី ២ ដើម្បីញ៉ាំ។ អញ្ចឹងបន្ទាប់ពីពួកគេបានទទួលមីគោក ហើយនិងមីទឹកស៊ុបហើយ នៅក្នុងរូបភាពទី ១២ ពួកគេក៏បានយកចង្កឹះមក។ អញ្ចឹងជាធម្មតា ការលក់នៅតាមចិញ្ចើមផ្លូវគឺតែងតែមានដីហុយ អញ្ចឹងចង្កឹះ និងស្លាបព្រា ប្រសិនបើយើងអត់រក្សាអនាម័យទេ វានឹងប្រឡាក់ដីមិនខាន ដូច្នេះជាធម្មតាចង្កឹះគេដាក់នៅក្នុងស្រោមមួយ អញ្ចឹងជាក់ស្ដែងនៅក្នុងរូបភាពទី ១២ នេះ ពួកគេក៏បានហែកស្រោមចង្កឹះ ដើម្បីដកចង្កឹះចេញពីស្រោម។ ដែលស្រោមចង្កឹះ ពេលខ្លះគឺធ្វើពីថង់ប្លាស្ទិក ហើយពេលខ្លះទៀតគេធ្វើអំពីក្រដាស អញ្ចឹងស្រោមចង្កឹះនេះ គឺបានរុំចង្កឹះកុំឲ្យប្រឡាក់ដី ព្រោះថាពេលខ្លះការលក់បែបនេះគឺមានដីហុយ ដោយសារតែមានឡាន ម៉ូតូ គាត់បើកតាមផ្លូវច្រើន អញ្ចឹងធ្វើឲ្យដីហុយប្រឡាក់ ដូច្នេះហើយទើបគាត់ដាក់ក្នុងស្រោមដើម្បីរក្សាអនាម័យ ប្រសិនបើអត់រក្សាអនាម័យទេ អតិថិជនរបស់គាត់អាចឈឺ ដោយសារឆ្លងមេរោគ ដោយសារមានធូលីជាប់នឹងចង្កឹះជាដើម។

Noodle Soup (Sakanan) — 09

បន្ទាប់មកទៀតរូបភាពទី ៩ នៅក្នុងរូបភាពទី ៩ បន្ទាប់ពីគាត់កុម្ម៉ង់រួចរាល់ហើយ អញ្ចឹងគាត់កុម្ម៉ង់រួចរាល់ហើយ អ្នកលក់ក៏បានយកកែវទឹកចំនួនពីរ ដើម្បីមកឲ្យពួកគាត់ទាំងពីរនាក់។ អញ្ចឹងនៅក្នុងរូបភាពទី ៩ នេះ យើងឃើញអ្នកលក់គាត់បានកាន់កែវទឹកចំនួនពីរ ដែលកែវទឹកនោះមានទឹកកកនៅក្នុងនោះផងដែរ។ អញ្ចឹងគេដាក់ទឹកកកចូលទៅក្នុងកែវទាំងពីរ ហើយមានបំពង់បឺតពីរនៅក្នុងកែវនីមួយៗ អញ្ចឹងបានន័យថាកែវមួយមានបំពង់បឺតមួយ កែវមួយទៀតមានបំពង់បឺតមួយ។ ដោយសារតែកន្លែងនោះគឺជាកន្លែងលក់សាធារណៈ បានន័យថាមានអតិថិជនច្រើន អញ្ចឹងមានអតិថិជនច្រើន ដូច្នេះការប្រើប្រាស់កែវ គឺជាការប្រើប្រាស់កែវរួម អញ្ចឹងហើយដើម្បីរក្សាអនាម័យ គឺអ្នកលក់ គាត់អត់ឲ្យអតិថិជនរបស់គាត់ញ៉ាំផ្ទាល់ទៅនឹងកែវនោះទេ អញ្ចឹងគេអត់ញ៉ាំផ្ទាល់ទេខ្លាចឆ្លងមេរោគ ដូច្នេះក្នុងការញ៉ាំទឹកនៅកែវនោះ គឺគេត្រូវប្រើបំពង់បឺត។ អញ្ចឹងនៅក្នុងរូបភាពនេះ គាត់បានដាក់បំពង់បឺតចូលទៅក្នុងកែវទាំងពីរ ដើម្បីឲ្យអតិថិជនរបស់គាត់ញ៉ាំទឹក ដោយប្រើបំពង់បឺតវិញ ដោយគេញ៉ាំហើយគេបោះចោលបំពង់បឺតនោះតែម្ដង ហើយគេដាក់ទឹកកកនៅក្នុងកែវ ដើម្បីឲ្យនៅពេលដែលយើងដាក់ទឹក គឺទឹកកកនឹងធ្វើឲ្យទឹកនោះត្រជាក់។ អញ្ចឹងជាទូទៅការមកញ៉ាំបែបនេះ គឺតែងតែត្រូវការទឹកកក ឬក៏ទឹកត្រជាក់ ដូច្នេះហើយអ្នកលក់តែងតែដាក់ទឹកកកចូលទៅក្នុងកែវឲ្យអតិថិជនរបស់គាត់។

Noodle Soup (Sakanan) — 13

បន្ទាប់មកទៀតរូបភាពទី ១៣ នៅក្នុងរូបភាពទី ១៣ យើងឃើញថា បន្ទាប់ពីគាត់ហែកស្រោមចង្កឹះហើយ យើងឃើញពួកគេទាំងពីរនាក់ក៏បានបើកប្រអប់មួយ អញ្ចឹងនៅលើតុរបស់ពួកគេក៏មានប្រអប់មួយដែរ សម្រាប់ដាក់ស្លាបព្រា អញ្ចឹងប្រអប់នោះគឺជាប្រអប់សម្រាប់ដាក់ស្លាបព្រា ដើម្បីរក្សាអនាម័យកុំឲ្យស្លាបព្រានោះប្រឡាក់ដី ដូច្នេះហើយ អ្នកលក់ក៏បានយកស្លាបព្រាទៅដាក់ក្នុងប្រអប់បិទជិតមួយ។ អញ្ចឹងប្រសិនបើគាត់ដាក់ក្នុងប្រអប់បិទជិត គឺដីអត់ហុយចូលទេ។ ដោយដីទាំងអស់នោះគឺអត់ហុយចូលប្រអប់ទេ អញ្ចឹងប្រអប់របស់គាត់អត់ប្រឡាក់នោះទេ។ អញ្ចឹងពួកគេទាំងពីរនាក់ ក៏បានបើកប្រអប់មួយដើម្បីយកស្លាបព្រាចេញពីប្រអប់នោះ។ ហើយបន្ទាប់មកយើងឃើញនៅក្នុងរូបភាពទី ១៣ ដដែល បន្ទាប់ពីពួកគេយកស្លាបព្រាចេញពីប្រអប់នោះហើយ ពួកគេក៏បានយកស្លាបព្រានោះមកជូតនឹងក្រដាសអនាម័យ។ អញ្ចឹងជាទូទៅនៅលើតុគុយទាវតែងតែមានក្រដាសអនាម័យមួយប្រអប់ផងដែរ ដើម្បីឲ្យអតិថិជនជូតចង្កឹះ និងជូតស្លាបព្រារបស់ពួកគេ។ អញ្ចឹងជាទូទៅយើងញ៉ាំមី ឬក៏ញ៉ាំគុយទាវដោយប្រើចង្កឹះ ក៏ប៉ុន្តែស្លាបព្រាគឺយើងយកដើម្បីហុតទឹកស៊ុប។ អញ្ចឹងនៅក្នុងរូបភាពនេះ ក្មេងប្រុសទី ១ គាត់ក៏បានយកស្លាបព្រា ដើម្បីជូតសម្អាត ដើម្បីធ្វើការហុតទឹកស៊ុបរបស់គាត់ ដោយសារតែគាត់កុម្ម៉ង់មីមានទឹកស៊ុប។ អញ្ចឹងដើម្បីឲ្យប្រាកដថាស្លាបព្រានោះស្អាត គឺត្រូវជូតបន្ថែមទៀតដោយប្រើក្រដាសអនាម័យ។

Tuk Tuk (Sakanan) — 03

ចូលមកដល់រូបភាពទី ៣ នៅក្នុងរូបភាពទី ៣ យើងឃើញថា ពួកគេទាំងបីនាក់បានហៅអ្នកបម្រើមក ដែលនៅក្នុងរូបភាពនេះយើងឃើញថា ពួកគេទាំងបីនាក់ដដែលកំពុងតែអង្គុយនឹងតុ ហើយនៅលើតុរបស់ពួកគេ គឺមានស្រាចំនួនបីដប ជាមួយនឹងកែវចំនួនបី ហើយនិងធុងទឹកកកចំនួនមួយ ដែលធុងទឹកកកនោះសម្រាប់ដាក់ទឹកកក ហើយនារីម្នាក់ដែលអង្គុយកណ្ដាល គាត់បានលើកដៃមួយឡើងដើម្បីជាសញ្ញាហៅទៅដល់អ្នកបម្រើ ឬក៏ម្ចាស់ហាង អញ្ចឹងគាត់លើកដៃជាសញ្ញាហៅអ្នកបម្រើឬក៏ម្ចាស់ហាងដើម្បីឲ្យមកគិតលុយ ពេលនោះគាត់ក៏បានប្រាប់ទៅម្ចាស់ហាងថា គាត់ញ៉ាំស្រាចំនួនអស់បីដប អញ្ចឹងបានន័យថាគាត់ញ៉ាំតែចំនួនបីដបតែប៉ុណ្ណោះ គឺបានន័យថាគាត់ញ៉ាំតែបន្តិចទេ ព្រោះប្រសិនបើញ៉ាំច្រើន អាចធ្វើឲ្យគាត់ស្រវឹងខ្លាំង ឬក៏បណ្ដាលឲ្យគាត់មានគ្រោះថ្នាក់ ឬក៏ប៉ះពាល់ដល់សុខភាពគាត់ជាដើម ដូច្នេះហើយគាត់ញ៉ាំស្រាតែចំនួនបីដប សម្រាប់គ្នាបីនាក់ បានន័យថាម្នាក់មួយដប អញ្ចឹងនៅពេលដែលគាត់ញ៉ាំរួចហើយ ភ្លេងក៏បញ្ចប់ បន្ទាប់មកគាត់ក៏ហៅអ្នកបម្រើ ដើម្បីឲ្យមកគិតលុយ ពេលនោះអ្នកបម្រើក៏មក ដែលយើងឃើញអ្នកបម្រើគឺគាត់ពាក់អាវពណ៌ខៀវដៃខ្លី ហើយគាត់រាងចំណាស់បន្តិចមើលទៅ ដោយក្នុងដៃរបស់គាត់គឺមានកាន់កូនសៀវភៅមួយនិងប៊ិចមួយដើម ដើម្បីកត់ត្រានូវអ្វីដែលភ្ញៀវចង់បាន បានន័យថានៅពេលដែលគាត់កាន់បែបនេះ នៅពេលដែលភ្ញៀវហៅគាត់ គាត់មក ហើយនៅពេលដែលភ្ញៀវកុម្ម៉ង់អ្វីផ្សេងញ៉ាំ គាត់អាចកត់ត្រាចូលទៅក្នុងកូនសៀវភៅនោះបានដើម្បីកុំឲ្យភ្លេច។

Noodle Soup (Sakanan) — 07

បន្ទាប់មកទៀតរូបភាពទី ៧ នៅក្នុងរូបភាពទី ៧ បន្ទាប់ពីក្មេងប្រុសទាំងពីរនាក់នោះហៅ ឬក៏ក្មេងប្រុសទី ១ គាត់លើកដៃហៅអ្នកលក់ហើយ អ្នកលក់ក៏មកដល់ អញ្ចឹងយើងឃើញអ្នកលក់នៅក្នុងរូបភាពនេះ គឺគាត់ជាមនុស្សស្រី គាត់បួងសក់ឡើងលើ ហើយគាត់ពាក់អៀម ដោយមានពាក់អាវពណ៌សដៃខ្លី ក៏ប៉ុន្តែដោយសារអាវគាត់ស គាត់ខ្លាចប្រឡាក់ ដូច្នេះគាត់ពាក់អៀមពីលើមួយទៀត។ អញ្ចឹងគាត់ចងអៀម ដែលអៀមជាក្រណាត់មួយ សម្រាប់ចងបាំងនៅខាងមុខកុំឲ្យប្រឡាក់ខោអាវ។ អញ្ចឹងអ្នកលក់រៀងធាត់បន្តិច ប៉ុន្តែគាត់ជាស្ត្រីវ័យចំណាស់ ដែលមានអាយុប្រហែលជា ៣០ ឆ្នាំ ហើយគាត់រៀងធាត់បន្តិច។ អញ្ចឹងគាត់មកដល់ដើម្បីសួរទៅដល់ក្មេងប្រុសទាំងពីរថាចង់ញ៉ាំអី ព្រោះថាអម្បាញ់មិញក្មេងប្រុសទាំងពីរនាក់នោះបានហៅគាត់មកដើម្បី[...]ការកុម្ម៉ង់អាហារញ៉ាំ។ អញ្ចឹងគាត់បានសួរទៅក្មេងប្រុសទី ១ ជាមុនសិន ដោយគាត់សួរថាតើប្អូនចង់ញ៉ាំអ្វី ឬក៏ត្រូវការអ្វី? អញ្ចឹងក្មេងប្រុសទី ១ នោះ គាត់ក៏បានប្រាប់ទៅដល់អ្នកលក់ថាគាត់ចង់ញ៉ាំមីដែលមានទឹកស៊ុប ឬក៏គុយទាវទឹកស៊ុប។ អញ្ចឹងក្មេងប្រុសទី ១ គាត់ចង់ញ៉ាំគុយទាវទឹកស៊ុប ដែលយើងឃើញនៅក្នុងរូបភាពនេះ គឺមានចានគុយទាវទឹកស៊ុបមួយ កំពុងតែហុយ អញ្ចឹងជាធម្មតា គុយទាវទឹកស៊ុប ឬក៏មីទឹកស៊ុប គឺតែងតែក្ដៅ ព្រោះគេប្រើទឹកក្ដៅដើម្បីឆុងមី ឬក៏ឆុងគុយទាវ។ ដោយអញ្ចឹងប្រសិនបើយើងប្រើទឹកត្រជាក់ ឬទឹកស៊ុបត្រជាក់ គឺអត់ឆ្ងាញ់ទេ គឺបានន័យថាមី ឬក៏គុយទាវនោះ ញ៉ាំអត់កើតទេ ដូច្នេះហើយទើបយើងឃើញមានផ្សែងហុយចេញពីចាន។