Khmer	Pronunciation	English/Notes	#occ
ទឹកមុខ	tɨk muk	facial expression, mood	35/24

Link to overview page
Link to dictionary

Accepting direction — Cultural note

ចាស់ប្រើក្មេង ជារឿងធម្មតា ហើយការធ្វើតាមសំដីមនុស្សចាស់ជាសុជីវធម៌ ប៉ុន្តែពេលខ្លះ នៅពេលក្មេងនោះមិនចង់ធ្វើ គេធ្វើដែរតែដោយបញ្ចេញទឹកមុខមិនពេញចិត្ត។ ឃើញទឹកមុខបែបនោះ អ្នកប្រើអាចនឹងនិយាយថា “គ្រាន់តែប្រើប៉ុណ្ណឹងសោះ មុខឡើងក្រញូវ / មុខមើលមិនបាន”។

Requesting and granting permission 2 — Cultural note

ការទិញអីវ៉ាន់នៅខ្មែររៀងពិបាកបន្តិច ព្រោះអ្នកលក់មិនសូវចង់ឲ្យភ្ញៀវប៉ះពាល់ ឬល ឬសាកល្បងទំនិញរបស់គេច្រើនទេមុននឹងទិញ។ បើភ្ញៀវទិញទំនិញនោះក្រោយពេលប៉ះពាល់ នោះមិនអីទេ ប៉ុន្តែបើមិនទិញវិញ នោះអ្នកលក់អាចនឹងសម្ដែងទឹកមុខមិនពេញចិត្ត។ ទំនិញដូចជាខោអាវដែលលក់នៅតាមផ្សារ សឹងតែ ៥០ ភាគរយគឺមិនបានបិទផ្លាកតម្លៃនោះទេ ហើយបើគ្រាន់តែសួរតម្លៃទំនិញហើយដើរចេញ នោះកាន់តែធ្វើឲ្យអ្នកលក់មិនពេញចិត្ត។

Consoling someone — Cultural note

នៅពេលគេនិយាយប្រាប់អ្នកអំពីរឿងអកុសលរបស់គេ តើមានពាក្យអ្វីដែលបង្ហាញថាអ្នកសោកស្ដាយ? នៅក្នុងភាសាខ្មែរ មិនមានឃ្លាស្មើនឹង “I’m sorry to hear about that” នោះទេ ប៉ុន្តែ ជាផ្លូវការ គេប្រើឃ្លាថា “សូមចូលរួមសោកស្ដាយផង” ឬ “សូមចូលរួមរំលែកទុក្ខផង”។ សម្រាប់ប្រតិកម្មភ្លាមៗនៅពេលសន្ទនា ភាគច្រើនគេបង្ហាញទឹកមុខភ្ញាក់ផ្អើលនិងក្រៀមក្រំ ដោយលាន់មាត់ថា “អីចឹង?” “ហ្នឹង(អ៎)?” “ម៉េចចឹង?” “មានរឿងអី (ម៉េចបានអីចឹង)?” ហើយសាកសួរអំពីដើមទងនៃហេតុការណ៍ដែលកើតឡើង។

Cutting One’s Finger (Sakanan) — 13

ចូលមកដល់រូបភាពទី ១៣ នៅក្នុងរូបភាពទី ១៣ យើងឃើញថា បុរសនោះ គាត់បានប្រែប្រួលទឹកមុខរបស់គាត់ទៅជាសប្បាយចិត្តវិញ បាទ យើងឃើញថា គាត់ហាមាត់ញញឹម គាត់ញញឹម មើលទៅលើដៃស្ដាំរបស់គាត់ អញ្ចឹងដៃស្ដាំរបស់គាត់គឺមានរបួស ក៏ប៉ុន្តែរបួសរបស់គាត់បានរុំនឹងបង់បិទដំបៅរួចហើយ ដូច្នេះបានន័យថាគាត់បានការពារដៃរបស់គាត់ កុំឲ្យមានមេរោគចូលរួចហើយ ហើយឈាមរបស់គាត់ក៏ឈប់ហូរទៀតដែរ អញ្ចឹងគាត់នឹងលែងមានគ្រោះថ្នាក់ទៀតហើយ ដូច្នេះគាត់បានមើលដៃរបស់គាត់ ហើយគាត់សប្បាយចិត្តយ៉ាងខ្លាំង ដោយគាត់គិតថា គាត់មិនមានគ្រោះថ្នាក់អ្វីធ្ងន់ធ្ងរនោះទេបន្ទាប់ពីការមុតកាំបិតនេះ ព្រោះគាត់បានធ្វើចេះវិធីសង្គ្រោះបឋម បាទ គាត់ចេះវិធីសង្គ្រោះបឋម ដើម្បីកុំឲ្យមានគ្រោះថ្នាក់ធ្ងន់ធ្ងរ។

Doing The Dishes (Sakanan) — 09

បន្ទាប់មករូបភាពទី ៩ នៅក្នុងរូបភាពទី ៩ យើងឃើញក្រោយពីគាត់ដុសខ្លាំងៗ ដុសចាននោះខ្លាំងៗម្ដងទៀតហើយ អញ្ចឹងគាត់ដុសចាននោះឡើងវិញម្ដងទៀតដោយខ្លាំងជាងមុន ដោយគាត់ប្រើកម្លាំងខ្លាំងជាងមុន ហើយគាត់បានដុសមួយសន្ទុះ ក្រោយមកគាត់ក៏បានលើកចាននោះពិនិត្យមើលម្ដងទៀត អញ្ចឹងគាត់យកដៃឆ្វេងរបស់គាត់កាន់ចាន ហើយលើកឡើង ហើយភ្នែករបស់គាត់សម្លឹងទៅមើលចាន ហើយពិនិត្យ អញ្ចឹងលើកនេះគាត់មានទឹកមុខញញឹម ដោយសារតែចាននោះគឺភ្លឺ បានន័យថាគាត់ដុសអស់ស្នាមប្រឡាក់ហើយ អញ្ចឹងយើងឃើញចានរបស់គាត់គឺមានពន្លឺចែងចាំង បានន័យថាពន្លឺចែងចាំង បានន័យថាអស់ស្នាមប្រឡាក់ និងមានទឹកតិចៗដែលស្រក់ចុះមក ដោយសារតែគាត់លាងនឹងទឹកសាប៊ូ ដូច្នេះចាននឹងសើម ហើយមានទឹកស្រក់ចុះមកជាក់ជាពុំខាន ប៉ុន្តែអ្វីដែលសំខាន់គឺចានរបស់គាត់ គាត់បានដុសស្អាតហើយ អញ្ចឹងគាត់អង្គុយពិនិត្យមើលចានរបស់គាត់ ដោយយកដៃឆ្វេងលើកចាននោះឡើងលើ ហើយដៃស្ដាំកាន់អេប៉ុងដើម្បីដុសសម្អាតចាន។

Cutting One’s Finger (Sakanan) — 08

ចូលមកដល់រូបភាពទី ៨ រូបភាពទី ៨ យើងឃើញថាបុរសម្នាក់នោះកាន់សំឡីនៅដៃឆ្វេងរបស់គាត់ បាទ ដៃឆ្វេងរបស់គាត់កាន់សំឡី រីឯដៃស្ដាំរបស់គាត់លើកឡើង បានន័យថាគាត់បានជូតឈាមចេញពីដៃស្ដាំរបស់គាត់អស់ហើយ អញ្ចឹងយើងឃើញថា ដៃស្ដាំរបស់គាត់គឺមានស្នាមមុខរបួសនៅនឹងម្រាមដៃនាង បាទ នៅនឹងម្រាមដៃនាងរបស់គាត់គឺមានស្នាមមុខរបួស ប៉ុន្តែពុំមានឈាមហូរទៀតទេ បាទ ពុំមានឈាមហូរទេ អញ្ចឹងឈាមឈប់ហូរហើយដោយសារតែគាត់ជូតឈាមនោះចេញ ហើយគាត់បានយកសំឡីខ្ទប់ទៅលើមុខរបួសដើម្បីឃាត់ឈាម បន្ទាប់ពីឃាត់ឈាម ឈាមក៏ឈប់ហូរ ពេលនោះ បុរសនោះ គាត់បានប្រែប្រួលទឹកមុខរបស់គាត់ ដោយគាត់ មុខគាត់រៀងញញឹមបន្តិច បាទ ពីមុនគាត់មានមុខជូរ ដោយសារគាត់ឈឺ ហើយមានឈាមហូរ ក៏ប៉ុន្តែបន្ទាប់ពីគាត់ឃាត់ឈាមហើយ គាត់ក៏ប្រែទឹកមុខមកជាញញឹមវិញ ព្រោះថាគាត់សប្បាយចិត្ត ដោយសារតែមុខរបួសរបស់គាត់លែងមានឈាមហូរទៀតហើយ ដូច្នេះវាមិនមានគ្រោះថ្នាក់ខ្លាំងនោះទេទៅដល់គាត់ ព្រោះគាត់បានឃាត់ឈាមបានសម្រេច។

Shopping For A T-Shirt (Sakanan) — 15

បន្ទាប់មកទៀតរូបភាពទី ១៥ នៅក្នុងរូបភាពទី ១៥ យើងឃើញថា បន្ទាប់ពីអ្នកលក់គាត់បានខ្ចប់អាវហើយ អញ្ចឹងគាត់ក៏បានប្រគល់ថង់អាវនោះឲ្យទៅបុរស ដែលជាអ្នកទិញ ឬក៏ជាអតិថិជន អញ្ចឹងក្រោយពីបានទទួលថង់អាវ បុរសដែលជាអ្នកទិញនោះ គាត់ក៏បានប្រគល់លុយថ្លៃអាវទៅឲ្យអ្នកលក់ អញ្ចឹងនៅក្នុងរូបភាពនេះ យើងឃើញបុរសម្នាក់នោះ គាត់ក៏បានកាន់លុយមួយចំនួនដែលជាថ្លៃអាវហុចទៅឲ្យអ្នកលក់ រីឯអ្នកលក់ គាត់ក៏បានទទួលលុយពីអ្នកទិញដោយទឹកមុខញញឹម។ អញ្ចឹងនៅក្នុងរូបភាពទី ១៥ គឺពួកគេទាំងពីរនាក់ គឺកំពុងតែសប្បាយរីករាយ ដោយសារតែបុរសម្នាក់នោះ គាត់បានរកអាវដែលគាត់ស្រឡាញ់ ឬក៏រកអាវ រកបានអាវដែលគាត់ពេញចិត្តបាន ហើយអ្នកទិញ រីឯអ្នកលក់វិញ គាត់សប្បាយចិត្ត ដោយសារតែគាត់បានលក់អាវដល់អតិថិជនរបស់គាត់ដាច់ អញ្ចឹងគាត់សប្បាយចិត្តដោយសារតែគាត់លក់ដាច់ ដូច្នេះពួកគេទាំងពីរនាក់ គឺសប្បាយចិត្តទាំងពីរនាក់ ដោយសារម្នាក់អាចទិញអាវបាន រីឯម្នាក់ទៀតគឺបានលក់អាវដាច់។ អញ្ចឹងរូបភាពទី ១៥ នេះ គឺបុរសម្នាក់នោះ គាត់បានប្រគល់លុយថ្លៃអាវទាំងទឹកមុខញញឹមទៅឲ្យអ្នកលក់ ហើយអ្នកលក់ក៏បានទទួលយកលុយថ្លៃអាវនោះទាំងទឹកមុខញញឹមដូចគ្នា។

Shopping For A T-Shirt (Sakanan) — 05

បន្ទាប់មកទៀតរូបភាពទី ៥ រូបភាពទី ៥ អ្នកលក់ក៏បានណែនាំអាវយឺតពណ៌ខៀវមួយទៅដល់គាត់។ អញ្ចឹងរូបភាពទី ៥ នេះ គាត់ក៏បានយកអាវយឺតពណ៌ខៀវដែលនៅជាប់ស្មាអាវនោះមកល អញ្ចឹងគាត់បានយកអាវនោះមកពិនិត្យយ៉ាងយូរមុននឹងគាត់ល ដោយគាត់ពិនិត្យនៅលើស្មាអាវនោះ។ ដោយយើងឃើញនៅក្នុងរូបភាពនេះ គាត់ហាក់ដូចជាពេញចិត្តនឹងអាវយឺតមួយនោះផងដែរ ដោយគាត់មានទឹកមុខញញឹម ហើយគាត់ចាប់កាន់អាវយឺតនោះដោយដៃទាំងពីររបស់គាត់។ អញ្ចឹងគាត់កំពុងតែត្រួតពិនិត្យអាវរបស់គាត់នោះ ឬក៏អាវយឺតដែលអ្នកលក់ឲ្យគាត់នោះ ថាតើវាស្អាតដែរឬទេ អញ្ចឹងគាត់ពិនិត្យតាំងពីថ្នេរនិងតាំងពីសាច់ក្រណាត់ជាដើម ដោយគាត់ពិនិត្យយ៉ាងយកចិត្តទុកដាក់បំផុត ព្រោះថាពេលខ្លះអាវ ប្រសិនបើយើងអត់ពិនិត្យទេ វាអាចនឹងធ្វើឲ្យយើងខុស ព្រោះពេលខ្លះថ្នេររបស់វាគឺអត់ជាប់ល្អទេ។ អញ្ចឹងថ្នេរអត់ជាប់ល្អ អញ្ចឹងវាអាចធ្វើឲ្យឆាប់រហែក ឬក៏សាច់ក្រណាត់អត់ល្អ ពាក់ទៅយើងអត់ស្រួលខ្លួននោះទេ ដូច្នេះមុននឹងសម្រេចចិត្តទិញអាវ យើងត្រូវពិនិត្យឲ្យបានហ្មត់ចត់ ព្រោះថាប្រសិនបើយើងទិញខុសគឺវាពាក់អត់ស្រួល ហើយវាឆាប់រហែកទៀតផង។ អញ្ចឹងជាក់ស្ដែងរូបភាពទី ៥ នេះ បុរសម្នាក់នោះ គាត់បានយកអាវនោះមកពិនិត្យយ៉ាងយកចិត្តទុកដាក់មុននឹងគាត់ល។

Tuk Tuk (Sakanan) — 11

ចូលមកដល់រូបភាពទី ១១ នៅក្នុងរូបភាពទី ១១ យើងឃើញថា បន្ទាប់ពីពួកគេបដិសេធទៅលើរ៉ឺម៉កកង់បីនោះហើយ ពួកគេក៏បានបន្តដើរមកខាងមុខទៀត អញ្ចឹងយើងឃើញថាអ្នកទាំងបីគាត់បានដើរ ដោយបុរសពាក់អាវប្រផេះដៃខ្លី ស្លៀកខោសជើងវែងនោះ គាត់ដើរនៅខាងមុខ បន្ទាប់មកមាននារីដែលពាក់អាវដៃខ្លីវៀលក ខោខ្មៅ គាត់ដើរនៅកណ្ដាល ហើយបុរសដែលពាក់អាវបៃតងដៃខ្លីហើយខោជើងវែងពណ៌សនោះ គាត់ដើរនៅខាងក្រោយគេ ពួកគេទាំងបីនាក់ដើរនៅក្នុងអាការៈស្រវឹងបន្តិច ដោយដើរទៅខាងមុខទៀត ព្រោះពួកគេមិនបានជិះរ៉ឺម៉កកង់បីនោះទេ ដោយសារតែម្ចាស់រ៉ឺម៉កកង់បី គាត់ទារថ្លៃខ្លាំងពេក យើងឃើញនៅក្នុងរូបភាពនេះ បុរសដែលជាម្ចាស់រ៉ឺម៉កកង់បីនោះ គាត់បានអង្គុយនៅលើកង់បីរបស់គាត់ ដោយបញ្ចេញទឹកមុខស្អុយ បានន័យថាយើងហៅថាមុខស្អុយ ដែលទឹកមុខមិនសប្បាយចិត្ត អញ្ចឹងនៅពេលដែលយើងមិនសប្បាយចិត្ត ឬក៏យើងធ្វើមុខមិនសប្បាយចិត្ត គេហៅថាមុខស្អុយ បានន័យថាយើងមិនសប្បាយចិត្តនោះទេ ដោយបុរសម្នាក់នេះ គាត់កំពុងតែមិនសប្បាយចិត្ត ដោយសារអតិថិជនរបស់គាត់ មិនជិះរ៉ឺម៉កកង់បីរបស់គាត់ ព្រោះថាគាត់បានកាត់តម្លៃខ្លាំងពេក អញ្ចឹងអតិថិជនគាត់មិនជិះ ហើយគាត់ដើរទៅមុខ ដែលធ្វើឲ្យគាត់ខកចិត្តនិងធ្វើមុខស្អុយ អង្គុយធ្វើមុខស្អុយ។

Pickpocket (Sakanan) — 17

ចូលដល់រូបភាពទី ១៧ នៅក្នុងរូបភាពទី ១៧ យើងឃើញថា បន្ទាប់ពីគាត់បាត់កាបូបហើយ គាត់បានលូកក្នុងហោប៉ៅរបស់គាត់ ហោប៉ៅចំហៀង ដើម្បីយកទូរស័ព្ទ អញ្ចឹងគាត់ទុកកាបូបលុយនៅក្នុងហោប៉ៅខាងក្រោយ បាទ ហើយទូរស័ព្ទនៅក្នុងហោប៉ៅចំហៀង អញ្ចឹងជាទូទៅខោរបស់មនុស្សប្រុស គឺមានហោប៉ៅជាទូទៅចំនួនបី ដែលហោប៉ៅឆ្វេងមួយ ហោប៉ៅស្ដាំមួយ និងហោប៉ៅក្រោយមួយ អញ្ចឹងហោប៉ៅឆ្វេងស្ដាំ គឺយើងទុកដាក់ ជាទូទៅយើងប្រើប្រាស់សម្រាប់ដាក់ទូរស័ព្ទនិងលុយបន្តិចបន្តួច ចំណែកហោប៉ៅក្រោយ គឺយើងតែងតែដាក់នូវកាបូបលុយ ដូចបុរសម្នាក់នោះ គាត់បានទុកទូរស័ព្ទគាត់នៅក្នុងហោប៉ៅចំហៀង ហើយកាបូបលុយនៅក្នុងហោប៉ៅក្រោយ ដូច្នេះនៅពេលដែលគេលូកយក ឬក៏លួចយកកាបូបលុយរបស់គាត់ពីក្នុងហោប៉ៅក្រោយ គាត់ពុំបានបាត់ទូរស័ព្ទនោះទេ ព្រោះទូរស័ព្ទរបស់គាត់ដាក់នៅក្នុងហោប៉ៅចំហៀង អញ្ចឹងគាត់បានដកយកទូរស័ព្ទចេញពីហោប៉ៅចំហៀងមកចុច យើងឃើញថាអាការៈរបស់គាត់ចុចទូរស័ព្ទគឺមានលក្ខណៈភ័យ ព្រោះមានបែកញើសជាច្រើនចេញពីទឹកមុខរបស់គាត់ អញ្ចឹងមុខរបស់គាត់គឺបានបែកញើស ដោយសារតែគាត់តក់ស្លុតនៅពេលដែលគាត់បាត់បង់កាបូបលុយរបស់គាត់ ព្រោះថាកាបូបលុយរបស់កាត់មានលុយ និងមានសម្ភារៈផ្សេងៗទៀត ដូចជាអត្តសញ្ញាណប័ណ្ណ កាតបុគ្គលិក កាតក្រុមហ៊ុនជាដើម អញ្ចឹងហើយទើបធ្វើឲ្យគាត់មានអារម្មណ៍ថាស្ដាយនិងភ័យ បែកញើសជាច្រើននៅលើមុខ។

Fruits (Sakanan) — 08

បន្ទាប់មកទៀតរូបភាពទី ៨ នៅក្នុងរូបភាពទី ៨ បន្ទាប់ពីគាត់ចិតល្ហុងឲ្យអតិថិជនរួចរាល់ហើយ គាត់ក៏បានយកថង់ល្ហុងនោះប្រគល់ជូនអតិថិជនរបស់គាត់ ដោយយើងឃើញនៅក្នុងរូបភាពនេះ បុរសដែលជាអ្នកលក់នោះ គាត់ហុច គាត់កាន់ថង់ល្ហុងនោះដោយដៃពីរ អញ្ចឹងគាត់ទ្រថង់ល្ហុងដោយដៃពីរ ដើម្បីកុំឲ្យល្ហុងនោះខ្ចាយឬក៏កុំឲ្យធ្លាក់ចុះ ហើយគាត់ហុចទៅឲ្យអតិថិជនរបស់គាត់យ៉ាងគួរសមបំផុត អញ្ចឹងការហុចដៃពីរ គឺជាការគួរសមមួយទៅកាន់អតិថិជន ដូច្នេះធ្វើឲ្យអតិថិជនសប្បាយចិត្ត ព្រោះអ្នកលក់ចេះគួរសម អញ្ចឹងនៅពេលដែលអ្នកលក់ចេះគួរសមមានអតិថិជនជាច្រើនចូលចិត្តមកទិញកន្លែងរបស់គាត់ អញ្ចឹងជាក់ស្ដែងនៅក្នុងរូបភាពនេះ ដោយសារតែបុរសម្នាក់នោះ គាត់ចេះគួរសម ដោយគាត់ហុចល្ហុងនោះទៅឲ្យនារីដែលជាអ្នកទិញដោយដៃទាំងពីររបស់គាត់ ដូច្នេះហើយធ្វើឲ្យនារីម្នាក់នោះសប្បាយចិត្ត អញ្ចឹងគាត់អាចលក់ល្ហុងនោះ[ដាច់បាន]ច្រើន។ ដោយឡែកនារីម្នាក់នោះ គាត់ក៏បានយកលុយ ដើម្បីប្រគល់ឲ្យបុរសដែលជាអ្នកលក់ ដោយគាត់ទិញល្ហុងនោះចំនួនមួយថង់ ដូច្នេះគាត់យកដៃម្ខាងទទួលល្ហុង ដៃម្ខាងទៀតហុចលុយទៅឲ្យអ្នកលក់ដោយទឹកមុខញញឹម។ អញ្ចឹងនៅពេលដែលគាត់ទិញ គាត់សួរអ្នកលក់ថាល្ហុងមួយតម្លៃប៉ុន្មាន អញ្ចឹងនៅពេលដែលអ្នកលក់ប្រាប់តម្លៃហើយ ហើយនៅពេលដែលអ្នកលក់ចិតល្ហុងឲ្យគាត់ហើយ គាត់ក៏បានយកលុយឲ្យទៅអ្នកលក់ ដើម្បីទិញល្ហុងនោះ។

Shopping For A T-Shirt (Sakanan) — 07

បន្ទាប់មកទៀតរូបភាពទី ៧ នៅក្នុងរូបភាពទី ៧ យើងឃើញថា បន្ទាប់ពីគាត់លហើយ គាត់ក៏បានចេញពីបន្ទប់ផ្លាស់សម្លៀកបំពាក់មកក្រៅ អញ្ចឹងជាទូទៅកន្លែងលក់ខោអាវនីមួយៗ គេតែងតែមានបន្ទប់ផ្លាស់សម្លៀកបំពាក់មួយ ដើម្បីឲ្យអតិថិជនរបស់គេលខោអាវ ដែលបន្ទាប់ពីលហើយ អតិថិជនរបស់ពួកគេនឹងចេញមកក្រៅដើម្បីសួរអ្នកលក់ថាសមដែរឬទេ។ អញ្ចឹងជាក់ស្ដែងរូបភាពនេះគឺ បុរសម្នាក់នោះ គាត់បានចូលក្នុងបន្ទប់ដើម្បីផ្លាស់ខោអាវ បន្ទាប់មក បន្ទាប់ពីផ្លាស់ខោអាវរួចមក គាត់ក៏បានចេញមកក្រៅដើម្បីមើលកញ្ចក់ អញ្ចឹងអ្នកលក់ក៏បានយកកញ្ចក់មួយមកឲ្យបុរសនោះឆ្លុះ អញ្ចឹងគាត់ឆ្លុះកញ្ចក់ ដោយគាត់មើលទៅក្នុងកញ្ចក់ ដើម្បីឃើញរូបភាពរបស់គាត់ជាមួយនឹងអាវ។ ដែលនៅក្នុងរូបភាពនេះយើងឃើញបុរសម្នាក់នោះ គាត់បានពាក់អាវពណ៌ខៀវអម្បាញ់មិញដែលគាត់ល អញ្ចឹងគាត់លអាវថ្មីពណ៌ខៀវនោះ ហើយគាត់ចេញមកក្រៅដោយយកដៃទាំងពីរច្រត់ចង្កេះ ហើយមានទឹកមុខញញឹម ដែលគាត់ពេញចិត្តនឹងខោអាវនោះផងដែរ ដែលគាត់មានអារម្មណ៍ថាពេញចិត្តផងដែរ ដោយគាត់ស្រឡាញ់អាវនោះ បន្ទាប់មកអ្នកលក់ គាត់បានយកកញ្ចក់មួយដើម្បីឲ្យបុរសនោះឆ្លុះ ដោយអ្នកលក់គាត់បានដៃម្ខាងកាន់កញ្ចក់ និងដៃម្ខាងទៀតចង្អុលទៅកញ្ចក់ ដើម្បីឲ្យបុរស[...] ប្រាប់ទៅបុរសម្នាក់នោះឆ្លុះកញ្ចក់។ អញ្ចឹងនៅក្នុងរូបភាពនេះ គឺគេលខោអាវ បន្ទាប់ពីលហើយ គេឆ្លុះកញ្ចក់មើលថាតើអាវនោះសមនឹងគេដែរឬទេ។

Motorcycle Taxi (Sakanan) — 05

បន្ទាប់មកទៀតរូបភាពទី ៥ នៅក្នុងរូបភាពទី ៥ បន្ទាប់ពីនារីម្នាក់នោះ គាត់បានរៀបរាប់អំពីគោលដៅដែលគាត់ត្រូវទៅរួចហើយ រៀបរាប់អំពីគោលដៅដែលគាត់ត្រូវទៅ ប្រាប់ទៅដល់បុរសដែលជាម្ចាស់ម៉ូតូនោះរួចរាល់ហើយ បុរសម្ចាស់ម៉ូតូក៏បានគិតមួយសន្ទុះ បន្ទាប់មកគាត់ក៏បាននិយាយអំពីតម្លៃដែលគាត់នឹងយក ដើម្បីក្នុងការធ្វើដំណើរទៅ អញ្ចឹងពេលនោះ នារីម្នាក់នោះ គាត់ក៏បានយល់ព្រមជាមួយនឹងតម្លៃ ហើយបុរសដែលជាម្ចាស់ម៉ូតូ គាត់ក៏បានយល់ព្រមជូននារីនោះទៅផងដែរ។ អញ្ចឹងនៅក្នុងរូបភាពទី ៥ នេះ យើងឃើញពួកគេទាំងពីរអ្នកគឺមានទឹកមុខសប្បាយរីករាយ ដោយសារតែនារីម្នាក់នោះ គាត់កំពុងតែប្រញាប់ ហើយស្ទះផ្លូវ ដូច្នេះគាត់ជិះឡានអត់កើត អញ្ចឹងគាត់ក៏បានមករកម៉ូតូឌុប ដើម្បីទៅឲ្យបានលឿន ព្រោះម៉ូតូឌុបតូច ម៉ូតូតូច អញ្ចឹងងាយស្រួលជិះជាងឡាន ហើយបុរសម្នាក់នោះ គាត់កំពុងតែរង់ចាំអតិថិជនដើម្បីជិះម៉ូតូឌុបរបស់គាត់ អញ្ចឹងនៅពេលដែលអតិថិជនរបស់គាត់មករកគាត់ គាត់សប្បាយរីករាយ ព្រោះថាគាត់ អាចរកអតិថិជនបាន ដូច្នេះគាត់នឹងបានលុយ ចំណែកឯនារីម្នាក់នោះ គាត់សប្បាយចិត្ត ដោយសារតែគាត់អាចទៅទាន់ម៉ោង គាត់សង្ឃឹមថាគាត់ទៅទាន់ម៉ោង មិនខកណាត់នោះទេ។ អញ្ចឹងពួកគេទាំងពីរនាក់ ដែលនៅក្នុងរូបភាពទី ៥ នេះ គឺសប្បាយចិត្តដូចគ្នា ដោយយើងឃើញទឹកមុខរបស់នារីម្នាក់នោះកំពុងតែញញឹម អញ្ចឹងគាត់ញញឹមហើយសើចសប្បាយ ចំណែកឯបុរសដែលជាម្ចាស់ម៉ូតូ គាត់បានលើកដៃស្ដាំឡើង ដើម្បីជាសញ្ញាថា គាត់យល់ព្រមឌុបនារីម្នាក់នោះទៅកាន់គោលដៅរបស់គាត់។

Shopping For A T-Shirt (Sakanan) — 11

បន្ទាប់មកទៀតរូបភាពទី ១១ នៅក្នុងរូបភាពទី ១១ បន្ទាប់ពីគាត់បានទទួលអាវយឺតពណ៌លឿងនោះពីមិត្តស្រីរបស់គាត់ហើយ អញ្ចឹងគាត់បានទទួលពីមិត្តស្រីរបស់គាត់ហើយ បុរសម្នាក់នោះ គាត់ក៏បានចូលទៅក្នុងបន្ទប់ផ្លាស់សម្លៀកបំពាក់ម្ដងទៀត ដើម្បីធ្វើការផ្លាស់ខោអាវ ដើម្បីលអាវយឺតពណ៌លឿងនោះ។ អញ្ចឹងដូចពីមុនដែរ ដូចពីមុន គឺគាត់ដោះអាវសរបស់គាត់ចេញ ហើយគាត់ពាក់អាវយឺតពណ៌លឿងនោះចូល ហើយបន្ទាប់មកគាត់ក៏បានចេញពីបន្ទប់ផ្លាស់សម្លៀកបំពាក់មកក្រៅ ដើម្បីឆ្លុះកញ្ចក់ម្ដងទៀត។ អញ្ចឹងនៅក្នុងរូបភាពនេះយើងឃើញអ្នកលក់ គាត់ក៏បានយកកញ្ចក់ ដើម្បីឲ្យបុរសម្នាក់នោះ គាត់ឆ្លុះកញ្ចក់មើលថាតើអាវនោះសមនឹងខ្លួនគាត់ដែរឬទេ? អញ្ចឹងម្ដងនេះ បុរសម្នាក់នោះ គាត់មានទឹកមុខញញឹម ហើយគាត់ពេញចិត្តនឹងអាវនោះខ្លាំងណាស់ ដោយអាវដែលមិត្តស្រីគាត់រកឲ្យគាត់នោះគឺល្មមនឹងខ្លួនគាត់តែម្ដង គឺមិនធំពេក ហើយក៏មិនតូចពេកដែរ។ អញ្ចឹងបុរសម្នាក់នោះឆ្លុះកញ្ចក់បណ្ដើរ ទាញសាច់អាវបណ្ដើរ ហើយគាត់ ទឹកមុខគាត់ញញឹម ឬក៏សើចសប្បាយ ព្រោះគាត់អាចរកអាវដែលល្មមនឹងគាត់ ហើយជាពិសេស គឺពណ៌អាវដែលគាត់ចូលចិត្តទៀតផង។ អញ្ចឹងបុរសម្នាក់នោះគាត់ញញឹម ដូច្នេះនៅពេលដែលឃើញអតិថិជនញញឹម អ្នកលក់ក៏ញញឹមផងដែរ ព្រោះអតិថិជនស្រឡាញ់អាវគាត់ និងចូលចិត្តអាវគាត់ អញ្ចឹងអតិថិជននឹងទិញអាវរបស់គាត់។ ដូច្នេះអ្នកលក់ក៏សប្បាយចិត្តផងដែរ ហើយបុរសម្នាក់នោះ គាត់សប្បាយចិត្ត ដោយសារតែគាត់អាចរកអាវដែលល្មមនឹងខ្លួនគាត់បាន។

Noodle Soup (Sakanan) — 18

បន្ទាប់មកទៀតរូបភាពទី ១៩ រូបភាពទី ១៨ នៅក្នុងរូបភាពទី ១៨ យើងឃើញ បន្ទាប់ពីពួកគេញ៉ាំហើយ ពួកគេក៏បានឲ្យលុយទៅអ្នកលក់ អញ្ចឹងជាទូទៅក្រោយពេលដែលយើង ក្រោយពេលដែលញ៉ាំ គឺយើងតែងតែឲ្យលុយទៅអ្នកលក់ គឺអត់សូវឲ្យលុយមុនពេលញ៉ាំនោះទេ អញ្ចឹងបន្ទាប់ពីញ៉ាំរួច យើងក៏ហៅអ្នកលក់មកដើម្បីគិតលុយ ដោយពួកគេក៏បានហៅអ្នកលក់ដើម្បីមកគិតលុយ បន្ទាប់មកអ្នកលក់ក៏បានមក ហើយប្រាប់គេអំពីតម្លៃមីទាំងពីរចាន ដោយតម្លៃមីគោកផ្សេង និងតម្លៃមីមានទឹកស៊ុបផ្សេងគ្នា ដូច្នេះក្រោយពីបានដឹងតម្លៃមីទាំងពីរចាននោះហើយ ពួកគេក៏បានហុចលុយឲ្យទៅអ្នកលក់ ដើម្បីបង់ថ្លៃមី ឬក៏ថ្លៃគុយទាវរបស់គេដែលបានញ៉ាំ។ អញ្ចឹងនៅក្នុងរូបភាពនេះ យើងឃើញក្មេងប្រុសទី ១ គាត់បានហុចលុយទៅឲ្យអ្នកលក់មួយចំនួន ទៅតាមថ្លៃមីដែលពួកគេបានញ៉ាំ ហើយអ្នកលក់គាត់បានលើកដៃពីរទាំងញញឹម ហើយទទួលយកលុយនោះ។ អញ្ចឹងជាទូទៅអ្នកលក់ គឺតែងតែមានទឹកមុខញញឹមស្វាគមន៍អតិថិជនជានិច្ច។ ដោយប្រសិនបើគាត់អត់ញញឹមទេ អតិថិជនរបស់គាត់អាចនឹងមិនពេញចិត្ត ហើយលែងមកញ៉ាំនៅទីនេះទៀត ដូចនេះគាត់ត្រូវតែរាក់ទាក់ជាមួយអតិថិជនដោយស្នាមញញឹម និងគួរសមជាទីបំផុត។ ដែលជាក់ស្ដែងនៅក្នុងរូបភាពទី ១៨ គឺអ្នកលក់គាត់បានទទួលលុយពីអតិថិជនទាំងញញឹម ហើយនិយាយថាអរគុណ ថ្ងៃក្រោយអញ្ជើញមកទៀត។ ដូច្នេះអ្នក អ្នកទិញនឹងថ្ងៃក្រោយ នៅពេលដែលគាត់លក់ឆ្ងាញ់ នៅពេលដែលគុយទាវគាត់ឆ្ងាញ់ អញ្ចឹងអ្នកទិញនឹងអាចមកម្ដងទៀតនៅថ្ងៃក្រោយជាក់ជាពុំខាន ដូច្នេះអ្នកលក់ត្រូវតែរាក់ទាក់គេយ៉ាងយកចិត្តទុកដាក់ និងគួរសមជាទីបំផុត។

Shopping For A T-Shirt (Sakanan) — 12

បន្ទាប់មកទៀតរូបភាពទី ១២ រូបភាពទី ១២ បន្ទាប់ពីបុរសម្នាក់នោះ គាត់បានលអាវហើយឆ្លុះកញ្ចក់រួចរាល់ហើយ អញ្ចឹងគាត់ពេញចិត្តនឹងអាវនោះ ដូច្នេះគាត់ក៏បានមកឲ្យមិត្តស្រីរបស់គាត់មើលម្ដងទៀតផងដែរ។ ដោយអាវនោះជាអាវរបស់មិត្តស្រីគាត់រើសឲ្យ ដូច្នេះនៅពេលដែលគាត់ល គាត់ក៏បានមកបង្ហាញខ្លួនឲ្យមិត្តស្រីរបស់គាត់ឃើញថាតើមិត្តស្រីរបស់គាត់ពេញចិត្តដែរឬទេ? អញ្ចឹងនៅក្នុងរូបភាពនេះ គាត់ក៏បានដើរមកច្រត់ចង្កេះខាងមុខមិត្តស្រីរបស់គាត់ ហើយញញឹមទៅកាន់មិត្តស្រីរបស់គាត់ ដើម្បីបង្ហាញខ្លួនថាតើអាវនោះសមដែរឬទេ? អញ្ចឹងមិត្តស្រីរបស់គាត់ក៏បានលើកដៃពីរឡើង ដោយដៃទាំងសងខាងរបស់មិត្តស្រីរបស់គាត់លើកឡើង ហើយទឹកមុខរបស់មិត្តស្រីរបស់គាត់គឺភ្ញាក់ផ្អើលយ៉ាងខ្លាំង ព្រោះយើងឃើញថា អាវមួយនោះគឺសមនឹងខ្លួនរបស់បុរសម្នាក់នោះតែម្ដង គឺល្មម។ អញ្ចឹងនារីម្នាក់នោះ គាត់ក៏បានរំភើប ហើយក៏សប្បាយចិត្តយ៉ាងខ្លាំង ដោយសារតែគាត់អាចរើសអាវយឺតមួយ ដែលល្មមនឹងមិត្តប្រុសរបស់គាត់ អញ្ចឹងគាត់លើកដៃទាំងពីរឡើង ហើយសម្ដែងទឹកមុខភ្ញាក់ផ្អើល ដោយគាត់ពេញចិត្តអាវយឺតនោះយ៉ាងខ្លាំង ដូច្នេះពួកគេទាំងពីរនាក់គឺស្រឡាញ់អាវយឺតមួយនោះខ្លាំងណាស់ ដោយអាវយឺតមួយនោះគឺជាពណ៌ដែលមិត្តប្រុសរបស់គាត់ពេញចិត្ត ហើយល្មមនឹងមិត្តប្រុសគាត់តែម្ដង អញ្ចឹងបានន័យថានារីម្នាក់នោះ គឺគាត់ដឹងអំពីបុរសម្នាក់នោះថាតើទំហំខ្លួនគាត់ប៉ុណ្ណា ហើយគាត់ចូលចិត្តអ្វី ដូច្នេះទើបនារីម្នាក់នោះ គាត់បានយកអាវដែលល្មមនឹងខ្លួនបុរសម្នាក់នោះមកឲ្យបុរសម្នាក់នោះល។ អញ្ចឹងនៅក្នុងរូបភាពទី ១២ គឺពួកគេទាំងពីរនាក់គឺចូលចិត្តអាវនោះយ៉ាងខ្លាំង។

Shopping For A T-Shirt (Sakanan) — 08

បន្ទាប់មកទៀតរូបភាពទី ៨ នៅក្នុងរូបភាពទី ៨ យើងឃើញថា បន្ទាប់ពីគាត់បានឆ្លុះកញ្ចក់ បុរសម្នាក់នោះ គាត់ក៏បានប្រែប្រួលទឹកមុខ អញ្ចឹងបានន័យថាគាត់អត់សូវពេញចិត្តនឹងអាវនោះទេ ដោយសារតែអាចអាវនោះវាតូចពេក ឬក៏ធំពេក មិនល្មមនឹងខ្លួនគាត់ អញ្ចឹងរូបភាពនេះយើងឃើញ បុរសនោះ គាត់ប្រែប្រួលទឹកមុខ ដោយគាត់មិនសូវជាសប្បាយចិត្តនឹងអាវនោះ ដោយគាត់ឆ្លុះមើលកញ្ចក់ ដោយភ្នែករបស់គាត់សម្លឹងទៅកញ្ចក់ ហើយដៃរបស់គាត់ចាប់ទាញសាច់អាវមក អញ្ចឹងគាត់កំពុងតែចាប់ទាញសាច់អាវ ដែលយើងឃើញរូបភាពនៅក្នុងកញ្ចក់នោះ គឺគាត់កំពុងតែទាញអាវ បានន័យថាអាវនោះប្រហែលជាធំជាងខ្លួនគាត់ពេក គឺមិនល្មមនោះទេ គឺបានន័យថាអាវនោះរលុង ដូច្នេះគាត់អត់ពេញចិត្តទេ ដោយសារតែការទិញអាវគឺយើងអត់ពាក់អាវធំពេកទេ ប្រសិនបើពាក់អាវធំពេក នោះវាធ្វើឲ្យយើងអត់ស្អាតនោះទេ។ អញ្ចឹងយើងមើលទៅអត់ស្អាត ដូច្នេះយើងអត់ពាក់អាវធំជាងខ្លួនទេ គឺយើងពាក់អាវដែលល្មមនឹងខ្លួនយើង ដោយសារតែនៅពេលដែលយើងពាក់អាវដែលល្មមនឹងខ្លួនយើង គឺមើលទៅយើងឃើញស្អាត ហើយសង្ហាជាងមុន ដូច្នេះប្រសិនបើយើងពាក់អាវធំពេកគឺមើលទៅយើងឃើញចាស់ ហើយអត់សង្ហាទេ អញ្ចឹងរូបភាពនេះ គឺបុរសម្នាក់នោះ គាត់កំពុងតែឆ្លុះកញ្ចក់ ដោយអ្នកលក់ គាត់កំពុងតែកាន់កញ្ចក់ដើម្បីឲ្យបុរសម្នាក់នោះឆ្លុះ ហើយយើងឃើញកញ្ចក់របស់អ្នកលក់ គឺមានចងខ្សែផងដែរ អញ្ចឹងដើម្បីកុំឲ្យបាត់កញ្ចក់អ្នកលក់ក៏បានចងខ្សែដើម្បីព្យួរ អញ្ចឹងអ្នកលក់ព្យួរកញ្ចក់នោះដោយចងខ្សែ ហើយនៅពេលណាដែលអ្នកលក់ចង់ឆ្លុះកញ្ចក់ អ្នកលក់នោះ អតិថិជនចង់ឆ្លុះកញ្ចក់ អ្នកលក់គាត់គ្រាន់តែយកកញ្ចក់នោះមកកាន់ គឺ ហើយឲ្យអ្នកទិញគាត់ឆ្លុះគឺជាការស្រេច។

Boats (Sakanan) — 01

ដែលយើងឃើញនៅក្នុងរូបភាពទី ១ នៅក្នុងរូបភាពទី ១ បុរសម្នាក់ គាត់កំពុងតែឈរនៅមាត់ទឹក ដែលបុរសនោះ គាត់មានវ័យប្រហែលជា ២៥ ឆ្នាំ គាត់មានសក់ខ្លីពណ៌ខ្មៅ ហើយគាត់ពាក់អាវពណ៌រៀងស្វាយដៃខ្លី អញ្ចឹងបុរសម្នាក់នោះ យើងឃើញទឹកមុខគាត់ញញឹម ហើយគាត់កំពុងតែឈរនៅមាត់ទឹក ដែលយើងឃើញទឹកមានទឹករលកតិចៗផងដែរ បានន័យថាទឹកនោះដូចជាទឹកទន្លេ អញ្ចឹងជាធម្មតានៅក្នុងទឹកទន្លេក៏មានរលកដែរ ក៏ប៉ុន្តែវាអត់សូវរលកខ្លាំងដូចនៅក្នុងទឹកសមុទ្រនោះទេ ព្រោះទន្លេជាទឹកតូច អញ្ចឹងវាអត់សូវមានរលកទេ អញ្ចឹងបុរសម្នាក់នោះ គាត់ឈរនៅមាត់ទន្លេ ហើយគាត់កំពុងតែកាន់ផែនទីដើម្បីមើល អញ្ចឹងបុរសម្នាក់ហ្នឹង គាត់ឈរមាត់ទន្លេ ដើម្បីរង់ចាំជិះទូក ដូច្នេះហើយគាត់ក៏កាន់ផែនទីមួយ ដើម្បីមើលថាតើទូកកម្សាន្ត គេចេញពីណាទៅណា ហើយកាត់តាមកន្លែងណាខ្លះ អញ្ចឹងគាត់អាចសម្រេចចិត្តថាជិះទូកមួយណាបាន ឬក៏ជិះទូកមួយណា ដែលទៅណាដែលគាត់ចង់ទៅ ឬក៏គាត់ចង់ទៅកន្លែងណា គាត់អាចមើលផែនទីនោះបាន ហើយយើងឃើញនៅលើមាត់ច្រាំងម្ខាងទៀត អញ្ចឹងយើងឃើញ គេហៅថាត្រើយម្ខាង ដែលជាទូទៅទន្លេគឺមានត្រើយចំនួនពីរ ត្រើយម្ខាង និងត្រើយម្ខាងទៀត ដែលបុរសម្នាក់នេះ គាត់ឈរនៅត្រើយម្ខាង រីឯត្រើយម្ខាងទៀតដែលនៅទល់មុខគាត់ គឺយើងឃើញមានអគារតូចធំជាច្រើន មានខ្ពស់ មានទាប អញ្ចឹងបានន័យថាទន្លេនេះ គឺជាទន្លេដែលនៅជាយក្រុង ដូច្នេះហើយយើងអាចឃើញស្រមោលទីក្រុងនៅខាងមុខគាត់បាន ដែលមានអគារជាច្រើន នៅតាមមាត់ទន្លេនោះផងដែរ អញ្ចឹងបុរសម្នាក់នេះ គាត់ឈរមើលផែនទី ហើយគាត់ចង់ជិះទូក អញ្ចឹងគាត់មើលផែនទីថាតើ គោលដៅរបស់គាត់ ត្រូវជិះទៅតាមកន្លែងណាខ្លះ អញ្ចឹងទូកដែលគាត់ត្រូវជិះ តើគាត់ត្រូវជិះមួយណា ដូច្នេះហើយដើម្បីឲ្យច្បាស់ គឺគាត់ត្រូវតែមើលផែនទី។

Doing The Dishes (Sakanan) — 08

បន្ទាប់មកទៀតរូបភាពទី ៨ នៅក្នុងរូបភាពទី ៨ យើងឃើញថា បន្ទាប់ពីក្មេងប្រុសនោះគាត់បានពិនិត្យមើលចានមួយសន្ទុះ ក្រោយមកគាត់ឃើញថាចានដែលគាត់កំពុងលាងនោះគឺអត់ទាន់ស្អាតទេ អញ្ចឹងនៅមានស្នាមប្រឡាក់ជាច្រើនដែលនៅក្នុងចាននោះ ដែលវាមានជាប់នូវខ្លាញ់ ឬក៏ជាប់នូវចំណីអាហារកាកសំណល់ផ្សេងៗនៅក្នុងចាន អញ្ចឹងធ្វើឲ្យចានអត់ទាន់ស្អាត ដូច្នេះគាត់ក៏ខំប្រឹងដុសម្ដងទៀត។ ដោយនៅក្នុងរូបភាពទី ៨ យើងឃើញក្មេងប្រុសម្នាក់នោះ គាត់បានយកចានមកកៀបនឹងជង្គង់របស់គាត់ គាត់យកចានគោមនោះមកកៀបនឹងជង្គង់ រួចហើយដាក់ទឹកសាប៊ូចូលទៅក្នុងចានគោមនោះ ដោយគាត់ដាក់ទឹកសាប៊ូចូលក្នុងចានគោម ហើយគាត់យកប្រដាប់លាងចានរបស់គាត់មកដុសចូលទៅក្នុងចានយ៉ាងខ្លាំង ម្ដងនេះគឺគាត់ដុសខ្លាំងៗជាងមុន ដើម្បីឲ្យអស់ស្នាមប្រឡាក់ អញ្ចឹងយើងឃើញគាត់ធ្វើ ទឹកមុខរបស់គាត់គឺប្រឹង ដោយគាត់ញេញធ្មេញ និងភ្នែករបស់គាត់សម្លឹងទៅក្នុងចាន ដោយដៃរបស់គាត់កំពុងតែដុសចាននោះយ៉ាងខ្លាំង គឺគាត់ដុសខ្លាំងៗ ដើម្បីឲ្យអស់ស្នាមប្រឡាក់ និងដើម្បីឲ្យស្អាត អញ្ចឹងប្រសិនបើយើងលាងចានអត់ស្អាតទេ នៅពេលដែលម្ចាស់ហាងគាត់យកចាននោះទៅប្រើប្រាស់ គឺគាត់ប្រើប្រាស់អត់បានទេ ដោយសារតែចានប្រឡាក់ អញ្ចឹងម្ចាស់ហាងនឹងស្ដីបន្ទោសប្រសិនបើគាត់លាងអត់ស្អាត ដូច្នេះគាត់ត្រូវធ្វើយ៉ាងណាឲ្យចានដែលគាត់លាងគឺស្អាតទាំងអស់ អញ្ចឹងគាត់នឹងទទួលបានការសរសើរពីម្ចាស់ហាងថាគាត់ធ្វើការដោយយកចិត្តទុកដាក់ ប៉ុន្តែប្រសិនបើចានអត់ស្អាត គាត់នឹងទទួលការស្ដីបន្ទោស ហើយភ្ញៀវក៏អត់ចូលហាងរបស់គាត់ទៀតដែរ ដោយសារតែហាងរបស់គាត់គ្មានអនាម័យ ដូច្នេះហើយក្មេងប្រុសម្នាក់នេះ គាត់ត្រូវតែដុសចានឲ្យបានខ្លាំងៗ និងឲ្យបានស្អាត ដើម្បីឲ្យចានទាំងអស់មានអនាម័យ និងម្ចាស់ហាងសរសើរគាត់ថាគាត់ធ្វើការបានល្អ ហើយនិងមានភ្ញៀវចូលមកហាងគាត់បន្ថែមទៀត។

Cutting One’s Finger (Sakanan) — 03

ចូលមកដល់រូបភាពទី ៣ នៅក្នុងរូបភាពទី ៣ យើងឃើញថា បន្ទាប់ពីគាត់បានចិតបន្លែ ហើយកាំបិតរបស់គាត់មុតដៃស្ដាំរបស់គាត់ហើយ បុរសនោះបានសម្ដែងនូវការឈឺចាប់ ដោយទឹកមុខរបស់គាត់គឺញេញធ្មេញ ហើយភ្នែករបស់គាត់សម្លឹងទៅដៃស្ដាំរបស់គាត់ យើងឃើញនៅក្នុងរូបភាពនេះ គាត់បានយកដៃឆ្វេងរបស់គាត់ចាប់ដៃស្ដាំឡើង បាទ យកដៃឆ្វេងរបស់គាត់ចាប់ដៃស្ដាំឡើង ហើយយកមកមើល អញ្ចឹងគាត់ចាប់ដៃស្ដាំឡើងបែបនេះ គឺដើម្បីយកមកមើលមុខរបួស បាទ គាត់មើលមុខរបួសដែលមុតនឹងកាំបិត អញ្ចឹងកន្លែងដែលមុត ឬក៏កន្លែងដែលមានគ្រោះថ្នាក់ ឬយើងហៅថាមុខរបួស ដូច្នេះហើយមុខរបួសដែលមុតដោយកាំបិត ឬមុតដោយរបស់ស្រួចផ្សេងៗ តែងតែមានសភាពមានហូរឈាមហើយនិងឈឺចាប់ អញ្ចឹងគាត់បានមើលមុខរបួសគាត់ តើមុខរបួសគាត់ធ្ងន់ធ្ងរដែរឬទេ ដូច្នេះហើយទើបគាត់ចាប់យកដៃឆ្វេង ចាប់ដៃស្ដាំឡើងខ្ពស់បន្តិចដើម្បីយកមកមើល ហើយនៅក្នុងអាការៈបែបនេះគឺគាត់សម្ដែងនៅការឈឺចាប់ចំពោះដៃរបស់គាត់ ដែលបានមុតកាំបិតយ៉ាងខ្លាំង យើងឃើញថា បន្ទាប់ពីមុតដៃហើយ បុរសនោះបានទុកកាំបិតចុះនៅលើតុ អញ្ចឹងគាត់បានទុកកាំបិតចុះនៅលើតុ ហើយគាត់បានមើលដៃរបស់គាត់ យើងឃើញបន្លែនិងកាំបិតនៅលើតុរាយប៉ាយតែម្ដង បានន័យថាបុរសនោះគាត់ស្លន់ស្លោ ឬគឺគាត់ភ័យ អញ្ចឹងហើយគាត់ពុំបានរៀបចំឲ្យមានសណ្ដាប់ធ្នាប់នោះទេ ដោយសារតែគាត់មុតដៃ បាទ អញ្ចឹងនៅក្នុងការទុកដាក់របស់ស្រួចៗឬក៏មុត យើងត្រូវមានការប្រុងប្រយ័ត្នផងដែរ ព្រោះប្រសិនបើយើងទុកមិនមានសណ្ដាប់ធ្នាប់នោះទេ យើងអាចប៉ះរបស់នោះដោយចៃដន្យ អញ្ចឹងនៅពេលដែលយើងប៉ះនូវរបស់នោះដោយចៃដន្យ យើងអាចនឹងមានគ្រោះថ្នាក់ដោយសារតែរបស់នោះម្ដងទៀត ដូច្នេះដូចជានៅក្នុងរូបភាពនេះ ប្រសិនបើគាត់ដាក់ដៃទៅលើតុវិញ នោះគាត់នឹងមុតកាំបិតម្ដងទៀតជាក់ជាមិនខាន ដោយសារតែគាត់ទុករបស់ឬក៏ទុកកាំបិតរបស់គាត់ មិនមានសណ្ដាប់ធ្នាប់ ឬក៏មិនបានទុកដោយមានការប្រុងប្រយ័ត្ន នៅពេលដែលគាត់មុតដៃម្ដងហើយ។